Шега

Славниот илустратор Даниеле Маларико ќе се соочи со необично тешка задача кога ќерка му ќе го замоли неколку дена да го чува нејзиниот четиригодишен син. Додека ги минува деновите со детето, Даниеле се обидува да изработи илустрации за една приказна за духови од Хенри Џејмс. Деновите им минуваат безгрижно сè додека имагинацијата на уметникот и реалноста не почнат да се преплетуваат.
Старноне во „Шега“ на игрив и мошне читлив начин раскажува приказна која изгледа дека содржи многу повеќе слоеви и значења отколку што читателот може да насети на првите страници. „Шега“ е мал и необичен книжевен експеримент кој се обидува да зборува за смислата на уметноста како да зборува за смислата на животот.