Речник на странски зборови и изрази

РЕЧНИКОТ НА СТРАНСКИ ЗБОРОВИ И ИЗРАЗИ содржи над 25 000 протолкувани поими, меѓу кои и околу 1 000 актуелни, новодојдени поими во нашиот јазик што ги нема во постојните речници и лексикони. Освен тоа извршена е темелна ревизија на одредниците од претходното издание, така што во овој РЕЧНИК се дадени посовремени толкувања на голем број поими. РЕЧНИКОТ е погоден за повеќето интелектуалци, особено за просветните работници, на кои им недостасува ваков практичен прирачник. Освен тоа, приспособен е на училишните планови и програми, така што ќе им биде од голема помош и на учениците од основните и средните училишта во секојдневната работа РЕЧНИКОТ треба да биде, барем за младите корисници, учебник на учебниците и книга за разбирање на сите други книги.