Пофалба на маќеата

Овој разигран роман за љубовта и страста ќе ги зацрвени образите дури и на најтврдокорните либерали и сладострасници. Со оваа книга Марио Варгас Љоса успеа своите омилени теми, љубовта и еротиката да ни ги претстави на нов и многу провокативен начин. Со толкувањето на шесте репродукции на сликите, тој воедно ги оживува и преку нив ни раскажува приказни во кои шармантниот и личен Фончито ја вознемирува маќеата доња Лукресија, а дон Ригоберто се фрла во ноќните фантазии, со што не наведува да се прашаме дали момчето, всушност, е самиот Ерос кој се вовлекува во прегратките на зрелата жена, или станува збор за мечтите на нејзиниот сопруг.
Овој роман можеби е мал, но изобилува со теми од кои би се срамеле доколку писателот на ваков маестрален начин не ги обработеше. Ова дело е единствено во опусот на М. В. Љоса.