Пат околу светот за 80 дена

Францускиот писател Жил Верн (1828-1905) уште по објавувањето на својот прв роман “Пет недели во балон“ постојано ја разигрува фантазијата на своите читатели. Научните откритија,кои во негово време, втората половина на XIX век, се осознавале со голема страст и нетрпение, биле вистински предизвик  за него. Маѓепсан од науката, Верн ја следел и ја проучувал до детали и ја внесувал во своите дела, впечатливо опишувајќи ја нејзината моќ. Кога ќе го читате ова дело Пат околу светот за 80 дена, како и другите негови познати дела:  20.000 милји под морето, Децата на капетанот Грант, Патот во средиштето на земјата, ќе го почувствувате оној пионерски трепет пред неистраженото, што сите нас, без оглед  на возраста, не исполнува со благородна енергија.