Менаџирање за иднината

Мотото на оваа книга е: Шоуто мора да продолжи – а шоуто на менаџментот е ефективна акција за добивање резултати. Високо се издига над групата од наводните менаџментски гуруа . . . освежувачки и предизвикувачки глас на разумот. Chicago Tribune Нема сомневање дека Дракер го промени лицето на индустриска Америка. Тој ни ги донесе децентрализацијата, менаџментот според цели и идејата за деловни стратегии кои потрошувачите ги ставаат на прво место. Том Питерс Најголемиот менаџмент-мислител на XX век The Economist Питер дракер запали светло во темнината и во хаотичниот свет. Jim Collins Спојувањето на многу од највозбудливите идеи на Питер Ф. Дракер за економијата, деловните практики, менаџирањето за промена и еволуирачкиот облик на современата корпорација, Менаџирање за иднината нуди битна проникливост и лекции за секој што се обидува да држи чекор со денешната немилосрдна конкуренција. Секое од неговите благовремени поглавја истражува некој деловен, корпорациски или „човечки“ проблем, притоа покажувајќи ни како да го решиме или да го употребиме како можност за промена. Универзумот на Питер Дракер е космос кој постојано се проширува, составен од четири региони кои ги разбира подобро од секој друг: економските сили кои влијаат врз нашите животи и работа; луѓето кои денес се подложени на промени и нивните окружувања на работните места; најновите менаџментски концепти и практики; и обликот на организациите, вклучувајќи ги и корпорациите, додека еволуираат и реагираат на сè поголемите задачи и одговорности.