Колибата на чичо Том

Хариета Бичер Стоу (1811-1896) била американска аболиционистка и писателка, чиј роман “Колибата на чичо Том” (1852) претставува напад на свирепоста на робовладетелството; книгата ја имаат прочитано милиони читатели. Токму овој роман во педесеттите години на деветнаесеттиот век го актуелизираше проблемот на ропството, претставувајќи силен поттик на движењето за негово укинување на Север. Додека на Југот, нејзиниот роман предизвика бес и ги поттикна екстремистите кои со цел да го зачувуваат ропството се одлучија на сецесија. Нејзиното влијание врз историјата е содржано во апокрифната изјава која Абрахам Линколн ја кажал кога ја сретнал Стоу: “Значи, вие сте таа мала дама чија книга ја започна оваа голема војна! “