Авантурите на Гордон Пим

Едгар Алан По (1809-1849) е американски поет, раскажувач, уредник, критичар, еден од главните претставници на американскиот романтизам и предвесник на симболизмот. Иако себеси се гледа како непоправлив реалист, По во повеќе случаи се покажал како мајстор на фикцијата. Така е и со романот Авантурите на Артур Гордон Пим. Неговиот роман Авантурите на Артур Гордон Пим (The Narrative of Arthur Gordon Pym of Nantucket) објавен во 1838 година е приказна за несекојдневните доживувања на Артур Гордон Пим. Во договор со својот пријател Август, Гордон Пим бега од дома и се качува тајно на бродот “Грампус”, на кој е капетан Барнард – таткото на Август. Жеден за авантури, како “слеп” патник на бродот, на патувањето ќе доживее заточеништво во утробата на бродот, побуна на морнарите, борба со разбојниците, бура, глад и жед, канибализам, на бродот кој полека потонува, патувајќи кон Јужниот пол…